Shri Venkatesha Suprabhaatam

Shri Venkatesha Suprabhaatam

kausalyaa suprajaa raama puurvaasandhyaa pravartate |
uttishhTha narashaarduula kartavyaM daivamaahnikam.h || 1 ||

kausalyaa suprajaa............

uttishhThottishhTha govinda uttishhTha garudadhvaja |
uttishhTha kamalaakaanta trailokyaM maN^gaLaM kuru || 2 ||

uttishhThottishhTha govinda ............

maatassamasta jagataaM madhukaiTabhaareH vakshovihaariNi manohara divyamuurte |

shriisvaamini shritajana priyadaanashiile shrii veN^kaTesha dayite tava suprabhaatam.h || 3 ||

maatassamasta ............

tava suprabhaatamaravindalochane

bhavatu prasannamukhachandramaNDale | vidhishaN^karendra vanitaabhirarchite

vR^ishhashailanaatha dayite dayaanidhe || 4 ||

atryaadi saptaR^ishhayassamupaasya sandhyaaM

aakaasha sindhu kamalaani manoharaaNi |

aadaaya paadayugamarchayituM prapannaaH
sheshhaadrishekharavibho tava suprabhaatam.h || 5 ||

paJNchaananaab jabhavashhaNmukhavaasavaadyaaH
traivikramaadicharitaM vibudhaaH stuvanti |bhaashhaapatiH paThati vaasara shuddhimaaraat.h

sheshhaadrishekharavibho tava suprabhaatam.h || 6 ||

iishhatprapullasarasiiruhanaarikeLa

puugadrumaadisumanoharapaalikaanaam.h | aavaati mandamanilassaha divyagandhaiH

sheshhaadrishekharavibho tava suprabhaatam.h || 7 ||

unmiilya netrayugamuttamapaJNjarasthaaH

paatraavashishhTakadaLiiphalapaayasaani | bhuktvaa saliilamatha keLishukaaH paThanti

sheshhaadrishekharavibho tava suprabhaatam.h || 8 ||

tantriiprakarshhamadhurasvanayaa vipaJNchyaa
gaayatyanantacharitaM tava naarado.api |

bhaashhaasamagramasakR^itkarachaararamyaM
sheshhaadrishekharavibho tava suprabhaatam.h || 9 ||

bhR^iN^gaavaLii cha makarandarasaanuviddha -

jhaN^kaaragiitaninadaissaha sevanaaya |
niryaatyupaantasarasiikamalodarebhayaH

sheshhaadrishekharavibho tava suprabhaatam.h || 10 ||

yoshhaagaNena varadadhni vimathyamaane
ghoshhaalayeshhu dadhimanthanatiivraghoshhaaH | roshhaatkaliM vidadhate kakubhashcha kumbhaaH
sheshhaadrishekharavibho tava suprabhaatam.h || 11 ||

padmeshamitrashatapatragataaLivargaaH
hartuM shriyaM kuvalayasya niyaaN^galakshmyaa|
bheriininaadamiva bibhrati tiivranaadam.h
sheshhaadrishekharavibho tava suprabhaatam.h || 12 ||

shriimannabhiishhTavaradaakhilalokabandho
shriishriinivaasa jagadekadayaikasindho |
shriidevataagR^ihabhujaantaradivyamuurte
shriiveN^kaTaachalapate tava suprabhaatam.h || 13 || shriimannabhiishhTa .............

shriisvaamipushhkariNikaa.a.aplavanirmalaaN^gaaH
shreyo.arthino haraviriJNchasanandanaadyaaH |
dvaare vasanti varavetrahatottamaaN^gaaH
shriiveN^kaTaachalapate tava suprabhaatam.h || 14 ||

shriisheshhashailagaruDaachalaveN^kaTaadri -
naaraayaNaadrivR^ishhabhaadrivR^ishhaadrimukhyaam.h |
aakhyaaM tvadiiyavasateranishaM vadanti
shriiveN^kaTaachalapate tava suprabhaatam.h || 15 ||

sevaaparaashshivasureshakR^ishaanudharma -
raksho.ambunaathapavamaanadhanaadhinaathaaH |
baddhaaJNjalipravilasannijashiirshhadeshaaH
shriiveN^kaTaachalapate tava suprabhaatam.h || 16 ||

dhaaTiishhu te vihagaraajamR^igaadhiraaja -
naagaadhiraajagajaraajahayaadhiraajaaH |
svasvaadhikaaramahimaadhikamarthayante
shriiveN^kaTaachalapate tava suprabhaatam.h || 17 ||

suuryendubhaumabudhavaakpatikaavyasauri -
svarbhaanuketudivishhatparishhatpradhaanaaH
tvaddaasadaasacharamaavadhidaasadaasaaH
shriiveN^kaTaachalapate tava suprabhaatam.h || 18 ||

tvatpaadadhuuLibharitasphuritottamaaN^gaaH
svargaapavarganirapekshanijaantaraN^gaaH |
kalpaagamaakalanayaa.a.akulataaM labhante
shriiveN^kaTaachalapate tava suprabhaatam.h || 19 ||

tvatdgopuraagrashikharaaNi niriikshamaaNaaH
svargaapavargapadaviiM paramaaM kshayantaH |
martyaa manushhyabhuvane matimaashrayante
shriiveN^kaTaachalapate tava suprabhaatam.h || 20 ||

shriibhuuminaayaka dayaadiguNaamR^itaabdhe
devaadhideva jagadekasharaNyamuurte |
shriimannanantagaruDaadibhirarchitaaN^ghre
shriiveN^kaTaachalapate tava suprabhaatam.h || 21 ||

shriipadmanaabha purushhottama vaasudeva
vaikuNTha maadhava janaardana chakrapaaNe |
shriivatsachihna sharaNaagatapaarijaata
shriiveN^kaTaachalapate tava suprabhaatam.h || 22 ||

kandarpadarpaharasundaradivyamuurte
kaantaakuchaamburuhakuTmalaloladR^ishhTe |
kalyaaNanirmalaguNaakaradivyakiirte
shriiveN^kaTaachalapate tava suprabhaatam.h || 23 ||

miinaakR^ite kamaTha kola nR^isiMha varNin.h
svaamin.h parashvathatapodhana raamachandra |
sheshhaaMsharaama yadunandana kalkiruupa
shriiveN^kaTaachalapate tava suprabhaatam.h || 24 ||

elaalavaN^gaghanasaarasugandhitiirthaM
divyaM viyatsariti hemaghaTeshhu puurNam.h |
dhR^itvaa.adya vaidikashikhaamaNayaH prahR^ishhTaaH
shriiveN^kaTaachalapate tava suprabhaatam.h || 25 ||

bhaasvaanudeti vikachaani saroruhaaNi
saMpuurayanti ninadaiH kakubho vihaN^gaaH |
shriivaishhNavaassatatamarthitamaN^galaaste
dhaamaashrayanti tava veN^kaTa suprabhaatam.h|| 26 ||

brahmaadayassuravaraassamaharshhayaste
santassanandanamukhaastava yogivaryaaH |
dhaamaantike tava hi maN^gaLavastuhastaaH
shriiveN^kaTaachalapate tava suprabhaatam.h || 27 ||

lakshmiinivaasa niravadyaguNaikasindho
saMsaarasaagarasamuttaraNaikaseto |
vedaantavedyanijavaibha bhaktabhogya
shriiveN^kaTaachalapate tava suprabhaatam.h || 28 || lakshmiinivaasa............

itthaM vR^ishhaachalapateriha suprabhaatam.h
ye maanavaaH pratidinaM paThituM pravR^ittaaH |
teshhaaM prabhaatasamaye smR^itiraN^gabhaajaaM
praGYaaM paraarthasulabhaaM paramaaM prasuute || 29 ||

shrii veN^kaTesha prapatti

iishaanaaM jagato.asya veN^kaTapatervishhNoH paraaM preyasiiM

tadvakshaHsthalanityavaasarasikaaM tatkshaantisaMvardhiniim.h |

padmaalaN^kR^itapaaNipallavayugaaM padmaasanasthaaM shriyaM

vaatsalyaadiguNojjvalaaM bhagavatiiM vande jaganmaataram.h || 1 || iishaanaaM jagato.asya ............

shriiman.h! kR^ipaajalanidhe! kR^itasarvaloka!

sarvaGYa! shakta! natavatsala! sarvasheshhin.h |

svaamin.h! sushiilasulabhaashritapaarijaata!

shriiveN^kaTesha charaNau sharaNaM prapadye || 2 || shriiman.h! ............

aanuupuraarpitasujaatasugandhipushhpa -

saurabhyasaurabhakarau samasanniveshau |

saumyausadaa.anubhavane.api navaanubhaavyau

shriiveN^kaTesha charaNau sharaNaM prapadye || 3 ||

sadyovikaasisamuditvarasaandraraaga _

saurabhyanirbharasaroruhasaamyavaartaam.h |

samyakshu saahasapadeshhu vilekhayantau

shriiveN^kaTesha charaNau sharaNaM prapadye || 4 ||

rekhaamayadhvajasudhaakalashaatapatra -

vajraaN^kushaamburuhakalpakashaN^khachakraiH |

bhavyairalaN^kR^itatalau paratatvachihnaiH

shriiveN^kaTesha charaNau sharaNaM prapadye || 5 ||

taamrodaradyutiparaajitapadmaraagau

baahyairmahobhirabhibhuutamahendraniilau |

udyannakhaaMshubhirudastashashaaN^kabhaasau

shriiveN^kaTesha charaNau sharaNaM prapadye || 6 ||

sapremabhiiti kamalaakarapallavaabhyaaM

saMvaahane.api sapadi klamamaadadhaanau |

kaantaavavaaN^manasagocharasaukumaaryau

shriiveN^kaTesha charaNau sharaNaM prapadye || 7 ||

lakshmiimahiitadanuruupanijaanubhaava -

niilaadidivyamahishhiikarapallavaanaam.h |

aaruNyasaN^kramaNataH kila saandraraagau

shriiveN^kaTesha charaNau sharaNaM prapadye || 8 ||

nityaanamadvidhishivaadikiriiTakoTi -

pratyuptadiiptanavaratnamahaHprarohaiH |

niiraajanaavidhimudaaramupaadadaanau

shriiveN^kaTesha charaNau sharaNaM prapadye || 9 ||

"vishhNoH pade parama" ityuditaprashaMsau

yau "madhva utsa" iti bhogyatayaa.apyupaattau |

bhuuyastatheti tava paaNitalapradishhTau

shriiveN^kaTesha charaNau sharaNaM prapadye || 10 ||

paarthaaya tatsadR^ishasaarathinaa tvayaiva

yau darshitau svacharaNau sharaNaM vrajeti |

bhuuyo.api mahyamihatau karadarshitau te

shriiveN^kaTesha charaNau sharaNaM prapadye || 11 ||

manmuurdhni kaaLiyaphaNe vikaTaaTaviishhu

shriiveN^kaTaadrishikhare shirasi shrutiinaam.h |

chitte.apyananyamanasaaM samamaahitau te

shriiveN^kaTesha charaNau sharaNaM prapadye || 12 ||

amlaanahR^ishhyadavaniitalakiirNapushhpau

shriiveN^kaTaadrishikharaabharaNaayamaanau |

aananditaakhilamanonayanau tavaitau

shriiveN^kaTesha charaNau sharaNaM prapadye || 13 ||

praayaH prapannajanataaprathamaavagaahyau

maatusstanaaviva shishoramR^itaayamaanau |

praaptau parasparatulaamatulaantarau te

shriiveN^kaTesha charaNau sharaNaM prapadye || 14 ||

satvottaraissatatasevyapadaambujena

saMsaarataarakadayaardradR^igaJNchalena |

saumyaupayantR^imuninaa mama darshitau te

shriiveN^kaTesha charaNau sharaNaM prapadye || 15 ||

shriisha shriyaa ghaTikayaa tvadupaayabhaave

praapye tvayi svayamupeyatayaa sphurantyaa |

nityaashritaaya niravadyaguNaaya tubhyaM

syaaM kiN^karo vR^ishhagiriisha na jaatu mahyam.h || 16 ||

shriisha shriyaa ............